Hello myself.

自己都知自己幾耐冇更新部落格啦。

忙，都忙，但從來都唔係一個理由。

打字慢，都係，但都唔係理由。

開blog從來是為了記錄一些觀影經驗, 聆聽經驗, 原意並非分享, 當然,有同道中人交流一下意見, 是無任歡迎的。

但是,停寫的時候, 是因為感覺自己失去了寫的意欲, 和寫的方向。

關於音樂,從來絕跡這裡。一個itunes, 已經可以把自己的喜惡類型化。High Fedelity 裡John Cusack把黑膠唱片收藏翻出來,按購買次序重排一次來療情傷,現在一個itunes都可以玩餐飽,係就係冇咁浪漫咖喇,方便嘛,反正意義在於記錄,有需要在部落格做多次嗎?

電影嘛，寫來寫去都是評論，有些悶之餘，最大鑊係發現就算不寫，對看過每一套電影的觀感，就算不用文字記錄下來，都不會失去，（潛問題當然是：”你估你有一日唔會腦退化咩？”潛回應：”如果不記得，重要嗎？”

咁而家自己想點？唔知，只係覺得係時候寫番d嘢比自己睇了，少少都好，都唔好停哂咁離譜。

再寫，想多完化些。例如做吓專題，例如９０年代，００年代的百大廣東專輯。台灣有，外國有類似選舉，點解香港好似冇？當然自己的百大專輯純粹個人喜好，冇民主兼冇代表性。

評論希望短ｄ，簡約ｄ，或者多ｄ news，記錄一下自己的看（重看）戲時間表。都是一種有規律地看戲的原動力。

今次講完，又唔做，就真係好離譜。